ஆன்மீக அரசு

கடந்த 30 வருடங்களாக மேற்கொண்ட ஆராய்ச்சியின் முடிவுகளை மக்களின் நலனுக்காக இதுவரை இந்த வலை தளத்தில்வெளியிட்டு வந்துள்ளோம், இனிமேல் உங்களின் ஆன்மீக சம்பந்தமான அனைத்து எனது நேரடி பார்வையில் பதில் வரும்,. இதற்கான உங்கள் கேள்வி அனைத்தும் மின்அஞ்சல் மூலமாகவே வரவேண்டும் மற்றும் அனைத்து விதமான கேள்விகளுக்கும் aanmigakkadal@gmail.com,aanmigaarasoo@gmail.com. தொடர்புகொள்ள வேண்டும். இதில் மின்அஞ்சல் தவிர வேறு எந்தவிதமான கைபேசி எண் மற்றும் மின்அஞ்சல் முகவரியும் இல்லை என்று தெரிவித்துக்கொள்கிறேன்-சகஸ்ரவடுகர்

 

 

 

 

 

 

 

ஓம் ஸ்ரீ மகா கணபதியே நமஹ

 

 

தென்னாடுடைய சிவனே போற்றி !!

 

 

எந்நாட்டவர்க்கும் இறைவா போற்றி !!

 

 

 

 

 

“செய்யும் தொழிலேத் தெய்வம்” என்ற பழமொழி நம்மில் பலருக்கும் தெரியும், அப்படி இருக்க நாம் வணங்கும் தெய்வங்கள் கூட அவர்களுடைய தொழிலைச் சிறப்பாக செய்கிறார்கள் . பிரம்மா படைத்தல் தொழிலும், விஷ்ணு அழித்தல் தொழிலும், சிவன் காத்தல் தொழிலையும் செய்கிறார்கள்.

அதில் சிவ பெருமானே ஆதியும் அந்தமும் இல்லாத முதல் கடவுள் ஆவார். பல சித்தர்களும் , ரிஷிகளும் முனிவர்களும், தேவர்களும், நமசிவாய என்ற நாமத்தால் சிவ பெருமானேப் போற்றி வழிபட்டனர். நமசிவாய எனும் மந்திரம் ஐந்து தத்துவத்தையும் , ஐந்து பஞ்சபூதங்களைக் குறிக்கும். அப்பஞ்சபூதங்கள் அடிப்படையில் சிவ பெருமான் சில நிகழ்ச்சிகளை நடத்தி, பின்பு சிவ பெருமான் தோன்றி  தலங்களாக வளர்ந்து மனிதர்களுக்கு அருள் பாலிக்கிறார்.

சிவபெருமானின் பஞ்சபூத திருத்தலங்ளான

 

 

 

 

 

 

 

 

நிலம் - காஞ்சி, திருவாரூர் (புவித் தலம்)

 

நீர் - திருவாணைக்கால் (நீர்த் தலம்)

 

வாயு - ஸ்ரீ காளஹஸ்தி (வாயுத் தலம்),

 

அக்னிதிருவண்ணாமலை

 

ஆகாயம்சிதம்பரம் (ஆகாயம்)

 

 இம்மாதம் கார்த்திகை மாதம் என்பதால் முதலில் ந்த சமயத்தில் அக்னித் தலமான திருவண்ணாமலைதலத்தின் அருமைகளை நாம் றிந்து கொள்வது அவசியமாகிறது.பின்வரும் கட்டுரையில் மற்ற பஞ்ச பூதங்கள் சிவ தலங்களைக் காண்போம்.

 

 

 

 

 

திருவண்ணாமலை:

 

 

 

 

 

 

 

 

நினைத்த மாத்திரத்திலேயே முக்தி அளிக்கக்கூடிய திருத்தலம் இது. சிவபெருமானின்பஞ்சபூத தலங்களில் அக்னித் தலமாகும். இத்தலத்தின் மூலவர் அருணாசலேசுவர் என்றும், அம்பிகை உண்ணாமுலையால் என்றும் அழைக்கப்படுகிறார்.

 

 

 

 

 

 

 

 

 

 

 

 

 

  திருவண்ணாமலையிலுள்ள மலையானது  கோடி ஆண்டுகள் பழமையானது. இம்மலையானது யுகங்களின் அழிவுகளிலும் அழியாமல் இருப்பதாக கருதப்படுகிறது. எனவே கிருதா யுகத்தில் அக்னி மலையாகவும், திரேதாயுகத்தில் மாணிக்க மலையாகவும், துவாபர யுகத்தில் பொன் மலையாகவும், கலியுகத்தில் கல் மலையாகவும் மாறியிருப்பதாக நம்பப்படுகிறது.

 

 

 

 

 

 

தல வரலாறு:

 

 

 

 

 

 

 

 

மகா சிவராத்திரி:

 

படைக்கும் கடவுளாகிய பிரம்மாவும்காக்கும் கடவுளாகிய திருமாலும்இருவருமே பெரியவர்கள் என்று தமக்குள் சர்ச்சை ஏற்பட்டு சிவபெருமானிடம் சென்று தம்மில் யார் பெரியவர் எனக் கேட்க, சிவபெருமான் தனது அடியை அல்லது முடியை உங்களில் யார் கண்டு வருகிறீர்களோ அவர் தான் பெரியவர் எனக்கூற திருமால் வராக ( பன்றி) அவதாரம் எடுத்து அடியைக்காண பூமியைக் குடைந்து சென்றார். அடியைக் காண இயலாமல் சோர்ந்து திரும்பினார். பிரம்மன் அன்னப் பறவையாக உருவெடுத்து சிவபெருமானது முடியைக் காண உயரப் பறந்து சென்றார். முடியைக் காண இயலாமல் தயங்கி பறக்கும்போது சிவன் தலை முடியில் இருந்து தாழம்பூ கீழே இறங்கி வந்ததை கண்டு, அதனிடம் சிவன் முடியை காண எவ்வளவு தூரம் உள்ளது என்று கேட்க, தாழம்பூ தான் சிவனாரின் சடையில் இருந்து நழுவி நாற்பதாயிரம் ஆண்டுகளாக கீழ் நோக்கி வந்து கொண்டு இருக்கிறேன் என்று கூற, பிரம்மன் முடியைக்காணும் முயற்சியை விடுத்து தாழம்பூவிடம் ஒரு பொய் சொல்லும்படி கூறினார்.

 

 

 

 

 

 

 

 

 

 

திருமாலிடம், சிவன் முடியை பிரம்மன் கண்டதாக சாட்சி சொல்லும்படி கேட்டுக்கொண்டதற்கு இணங்க, தாழம்பூ சாட்சி சொல்ல, பொய் சொன்ன பிரம்ம தேவனுக்கு பூலோகத்தில் தனி ஆலயம் அமையாதென்றும், பொய்ச்சாட்சி சொன்ன தாழம்பூ சிவ பூசைக்கு உதவாது என்றும் சாபமிட்டார். திருமாலும், பிரம்மனும் தான் என்ற அகந்தை நீங்கிட உலகுக்கு உணர்த்த சிவபெருமான் அடியையும், முடியையும் காணமுடியாத ஜோதி பிழம்பாக நின்ற இடம் திருவண்ணாமலை. சிவபெருமானை அமைதி பெறும்படி வேண்டினர். சக்தியும், தேவர்களும் அவ்வாறே வேண்டினர். அவர்களின் வேண்டுதலை ஏற்ற சிவபெருமான், ஓர் மலையாய் அடங்கி சிறிய ஜோதியாய் அதன் உச்சியில் தென்பட, அனைவரும் வணங்கினர். அந்த நாளே மகா சிவராத்திரியாக ஒவ்வொரு ஆண்டும் கொண்டாடப்படுகிறது.

 

 

 

 

லிங்கோத்பவர்:

 

 

 

 

சிவனை அக்னி வடிவிலும், விஷ்ணு அவருடைய காலடியில் வராக அவதாரத்திலும், பிரம்மனை அன்னம் வடிவத்திலும் மேலிருந்து விழும் தாழம்பூவுடன் வடிக்கப்பட்ட சிலை உருவையே லிங்கோத்பவர் என்று அழைக்கின்றோம். சிவனின் எந்தக் கோயிலிற்குச் சென்றாலும் லிங்கம் வீற்றிருக்கும் அந்தக் கருவறைச் சுவற்றின் பின்புறத்தில் லிங்கோத்பவர் சிலை பதிக்கப்பட்டிருப்பதைக் காணலாம். அந்த வடிவம் தோன்றிய இடம் இந்த புனிதத் திருத்தலமே.

 

 

 

 

 

 

 

 

 

அர்த்தநாரீஸ்வர்:

 

அம்பிகையின் வேண்டுதலுக்காக சிவபெருமான் தன்னுடைய இடப்பாகத்தினை அளித்து அர்த்தநாரீஸ்வரராய் (கருவறையின் பின் புறம் ஐம்பொன் சிலை உள்ளது) நின்ற பெருமைக்கு உரிய தலம் இத்தலம். "திருஅண்ணாமலையை நினைக்க முக்தி" அவ்வளவு சிறப்பு வாய்ந்த தலம்.

 

 

 

 

 

 

 

 

ஞானிகளும் துறவிகளும்:

 

 

 

இத்தலம் சித்தர்களின்சரணாலயமாகவும் விளங்குகிறது. பதினெட்டு சித்தர்களில் ஒருவரான இடைக்காட்டுச் சித்தர் இத்தலத்திற்கு உரியவராக விளங்குகிறார்.

 

 

 

 

 

 

 

 

 

 

 

 

 

அண்ணாமலை சுவாமிகள்,அப்பைய தீட்சிதர்,அம்மணி அம்மாள்,அருணகிரிநாதர்,அழகானந்த அடிகள்,ஆதி சிவ பிரகாச சாமிகள்,இசக்கி சாமியார்,இடைக்காட்டுச் சித்தர்,இரமண மகரிசி,இறை சுவாமிகள்,ஈசான்ய ஞானதேசிகர்,கண்ணாடி சாமியார்,காவ்யகண்ட கணபதி சாத்திரி,குகை நமச்சிவாயர்,குரு நமச்சிவாயர்,குருசாமி பண்டாரம்,சடைச் சாமிகள்,சடைச்சி அம்மாள்,சற்குரு சுவாமிகள்,சேசாத்திரி சாமிகள்,சைவ எல்லாப்ப நாவலர்,சோணாசலத் தேவர்,ஞான தேசிகர்,தட்சிணாமூர்த்தி சாமிகள்,தம்பிரான் சுவாமிகள்,தெய்வசிகாமணி சித்தர்,பத்ராச்சல சுவாமி,பழனி சுவாமிகள்,பாணி பத்தர்,மங்கையர்கரசியார்,ராதாபாய் அம்மை,வண்ணச்சரபம் தண்டபாணி சுவாமிகள்,விசிறி சாமியார்,விருபாட்சி முனிவர்,வீரவைராக்கிய மூர்த்தி சாமிகள் ஆகிய சித்தர்கள் அண்ணாமலையில் வாழ்ந்த சித்தர்களாவார்கள். இவர்களில் பலர் அண்ணாமலையிலேயே ஜீவசமாதி அடைந்துள்ளார்கள். சில சித்தர்களின் ஆசிரமம் திருவண்ணமலை கிரிவலப்பாதையில் அமைந்துள்ளது.

 

தற்போதும் பல்வேறு சித்தர்கள் திருவண்ணாமலையில் வாழ்ந்து வருவதாக சைவர்கள் நம்புகிறார்கள்.

 

 

 

 

 

கிரிவலம்:

 

 

 

ஒவ்வொரு மாதமும் பெளர்ணமி நாளன்று லட்சக்கணக்கான பக்தர்கள் திருவண்ணாமலையில் திரண்டு அண்ணாமலையாரை சுற்றி வெறும் காலுடன் கிரிவலம் செய்கின்றனர். அண்ணாமலையாரை சுற்றிவரும் பாதையில் இந்திர லிங்கம், அக்னி லிங்கம், எம லிங்கம், நிருதி லிங்கம், வருண லிங்கம், வாயு லிங்கம், குபேர லிங்கம், ஈசானிய லிங்கம் என்று எட்டு லிங்கங்களை பக்தர்கள் வணங்கிச் செல்கின்றனர்.

 

 

 

 

 

 

 

 

 

இத்திருமலையை காலணி ஏதுமின்றி கிரிவலம் வருவோர் எல்லா பாவங்களில் இருந்து விடுபடுவது மட்டுமின்றி, பந்த, பாசம், பற்று எனும் தடைகளில் இருந்து விடுபட்டு முக்தி பெறுவர் என்று கூறப்படுகிறது.

 

 

 

 

கார்த்திகை தீபம்:

 

 

 

 

கார்த்திகை தீப நாளை ஒட்டி கார்த்திகை தீப பிரம்மோற்சவ திருவிழா அண்ணாமலையார் கோவிலில் நடைபெறுகிறது. இதில் பத்து நாட்கள் முதல் பத்து நாட்கள் உற்வர்களின் ஊர்வங்களும், மூன்று நாள் தெப்ப திருவிழாவும் அதனையடுத்து சண்டிகேசுவர் உற்சவமும் நடைபெறுகிறது.

 

 

 

 

 

 

 

 

 

 

சிவன் கார்த்திகை மாத கிருத்திகை நட்சத்திரத்தில், திருமால், பிரம்மன் இருவருக்கும் அக்னி வடிவமாக காட்சி தந்தார். இந்நாளிலேயே தீபத்திருநாள் கொண்டாடப்படுகிறது. அன்று அதிகாலையில் அண்ணாமலையார் சன்னதியில் ஒரு தீபம் ஏற்றி, அதன் மூலம் மேலும் ஐந்து தீபங்கள் ஏற்றி பூஜிப்பர். பின்பு அந்த தீபங்களை ஒன்றாக்கி அண்ணாமலையார் அருகில் வைத்து விடுவர். இதனை, ‘ஏகன் அநேகனாகி அநேகன் ஏகனாகுதல்தத்துவம் என்கிறார்கள். பரம்பொருளான சிவனே, பல வடிவங்களாக அருளுகிறார் என்பதே இந்நிகழ்ச்சியின் உட்கருத்தாகும்.

 

 

 

 

பரணி தீபம்:

 

 

 

 

பத்தாம் நாளான இன்று அதிகாலை 4.00 மணிக்கு, மூலவர் கருவறைமுன் மிகப்பெரிய கற்பூரக் கட்டியில் ஜோதி ஒளி ஏற்றி, தீபாராதனை காட்டி, அதில் ஒற்றை தீபம் ஏற்றுவார்கள். இந்த ஒற்றை நெய்தீபத்தால் நந்திமுன் ஐந்து பெரிய அகல் விளக்கு ஏற்றுவார்கள். அதன்பின் உண்ணாமுலை அம்மன் சந்நிதியிலும் ஐந்து பெரிய அகல் விளக்கில் தீபம் ஏற்றுவார்கள். இந்த பரணிதீபம் காலையில் நடக்கும்.

 

 

 

 

 

 

 

 

 

பரணி தீபம் ஏற்றப்பட்ட பிறகு, அதைக் கொண்டு பஞ்சமுகதீபம் ஏற்றப்படுகிறது. பரணி தீபத்தினை இறுதியாக பைரவர் சன்னதியில் வைக்கின்றனர்.

 

 

 

 

 

மகாதீபம்:

 

 

 

 

 

 

 

 

 

இன்று மாலை நேரத்தில் பஞ்சமூர்த்திகள் தீப மண்டபத்தில் எழுந்தருளுகின்றனர். அவர்களைத் தொடர்ந்து வருடத்திற்கு ஒருமுறை மட்டுமே காட்சிதருகின்ற அர்ததநாரீசுவரர் உற்வச கோலம் தீபமண்டபத்திற்கு எடுத்து வரப்படுகிறது. அவர் முன்பு அகண்ட தீபம் ஏற்றப்படுகிறது. இத்தீபம் ஏற்றப்படுகின்ற அதே நேரத்தில், மலையில் மகாதீபம் ஏற்றப்படுகிறது.

 

 

 

 

இருக்குமிடமே திருஅண்ணாமலை :

 

 

 

 

இவ்வாறு திருவண்ணாமலை செல்ல முடியாதவர்களுக்கு , நமது குரு திரு சகஸ்கரவடுகர் அய்யா கூறிய வழிபாட்டு  முறையானது,

 

 

 

 

 

 

 

 

தங்கள் அருகில் இருக்கும் மிக பழைமையான சிவ பெருமான் திருக்கோயிலுக்கு செல்லலாம். ஓம் சிவ சிவ ஓம் மந்திரத்தினை ஜெபித்துக் கொண்டே  கோவிலை  வலம் வர வேண்டும்,பின்பு கோவிலின் வெளிப்புறம், உட்புறத்தைச் சுற்றி வலம் வந்த பிறகு சிவ பெருமானையும் , அம்பிகையும் அர்ச்சனை எதுவும் செய்யாமல் வழிபட வேண்டும். பின்னர் உங்களின் நேர்மையான கோரிக்கை அனைத்தையும் நினைத்து தியானம் செய்ய வேண்டும். மேலும் அக்கோவிலில் ஏற்றும் தீபத்தினைத் தரிசித்தாலேப் போதும் திருவண்ணாமலை சென்றால் கிடைக்கும் நன்மைகளும், அருளும் நமக்கு கிடைக்கும். நமது கர்ம வினைகள் அனைத்தும் எரிந்து , நம் அனைவரின் வாழ்க்கை அல்லல் இல்லா அருட்பெருஞ்சோதியாக ஒளிரும்.

 

 

 

 

 

 

 

 

 

 

 

 

 

 

 

 

 

ஓம்   சிவசிவ   ஓம்!

 

ஓம்   சிவசிவ   ஓம்!!

 

ஓம்   சிவசிவ  ஓம்!!!

 

 

 

 

 

 

 

 

 

 

 

ஓம் ஸ்ரீ மகா கணபதியே நமஹ

 

 

 

தென்னாடுடைய சிவனே போற்றி !!

 

 

எந்நாட்டவர்க்கும் இறைவா போற்றி !!

 

 

 

கார்த்திகை:

 

    தமிழ்நாட்டில் கார்மேகம் சோணைமழை பொழியும் மாதம் கார்த்திகை மாதம். கார் என்றும், கார்த்திகை என்றும் வழங்கப்படும் காந்தள் பூ மிகுதியாக மலரும் காலம் கார்த்திகை மாதம். கார்த்திகை எனப்படும் விண்மீன் கூட்டம் கீழ்வானில் மாலையில் தோன்றும் மாதம் கார்த்திகை மாதம். கார்த்திகை நட்சத்திரம் ஆயிரக்கணக்கான நட்சத்திரங்களைக் கொண்டிருந்த போதிலும் அதிலுள்ள ஏழு நட்சத்திரங்கள் பிரகாசமானவை. இதிலுள்ள மிகப்பிரகாசமான ஆறு நட்சத்திரங்களே கார்த்திகை நட்சத்திரக் கூட்டம் (Pleiades) எனப்படுகிறது.

 

 

 

 

 

 

 

 

 

பண்டைய தமிழர்கள் ஒரு மாதத்தில் உள்ள நாட்களை  27 நாள்மீன்பெயர்களால் வழங்கி வந்தனர். அந்த நாள்மீன்களில் ஒரு நாள்மீன் கார்த்திகை-நாள். இவ்வாறு ஒவ்வொரு மாதமும் வருகின்ற கார்த்திகை-நாள் முக்கியமான நாளாக தமிழர்களால் வழிபடப்பட்டு வருகின்றது.

 

 

புராணக் குறிப்புகள்:

 

 

 

    கார்த்திகை நட்சத்திரத்தைச் சுற்றி பல புராணங்களும், கவிதைகளும் வளர்ந்துள்ளன. ஆறு நட்சத்திரங்கள் சேர்ந்து சேரவன தொட்டியில் ஆறு குழந்தைகளாகப் பிறக்கின்றன. எனவே அவர் கார்த்திகேயர் என அழைக்கப்படுகிறார். ஆறு மூலிகைகளான தத்ரூபூசம், அக்ராம், சாதியோஜதம், வாமதேவன், ஈசானம், அடோம்கம். அந்த ஆறு குழந்தைகளுக்கு ஆறு கதாபாத்திரங்கள் மற்றும் ஆறு குழந்தைகளுக்கு, ஆறு கார்த்திகை பெண்களால்  வளர்க்கப்பட்டு பின்னர் தாயார் பார்வதி அவர்களால் ஒன்றிணைக்கப்பட்டுள்ளது. ஆறுமுகம் (ஆறுமுகம் மற்றும் பன்னிரண்டு கைப்பற்றப்பட்ட கடவுள்) ஆகியவற்றில் இணைந்த போது, ​​அவரது ஆறு நாடகங்களுடன் சித்தரிக்கப்பட்டார், மேலும் ஆறு பெயர்களுடன் வணங்கினார்.

 

 

 

 

 

 

 படைத்தல் தொழிலைச் செய்யும் பிரம்மனும் காத்தல் தொழிலைச் செய்யும் விஷ்ணுவும் நானே பெரியவன் என்று வாதாடிப் பலவருடங்கள் போரிட்டனர். சிவபெருமான் சோதிப்பிழம்பாகத் தோன்றினார். அடியையும் முடியையும் தேடும்படி அசரீரி கூறியது. இருவரும் அடிமுடி தேடிக் காணமுடியாமல் சிவபெருமானே முழுமுதற் கடவுள் என்று ஏற்றுக்கொண்டனர். அவர்கள் இருவரும் தாம் கண்ட சோதியை எல்லோரும் காணும்படி காட்டியருள வேண்டும் என்று விண்ணப்பிக்க அவர் திருக்கார்த்திகை நட்சத்திரத்தன்று காட்டியருளினார். இந்தத் தத்துவத்தை விளக்குவதே கார்த்திகை விளக்கீடு ஆகும்.

 
 
 

 

 

 

 விஷ்ணுவின் அம்சமான மோகினி மூலம் சைவ வைஷ்ணவ ஜோதியாக ஐயப்பன் பூலோகத்தில் அவதரித்தார். ஐயனின் வரவிற்காகக் காத்திருந்த தேவர்கள் பகவானை பொன்னம்பல மேட்டில் பூஜை செய்து மகிஷியினால்படும் துயரத்தைக் கூறினர். மணிகண்டன் தேவலோகம் சென்று மகிஷியை வென்று பூமிக்குத் தள்ள மகிஷி அழுதா நதிக்கரையில் விழுந்தாள்.

ஐயன் அவள்மேல் நர்த்தனமாடி, மகிஷியை உயிரிழக்க செய்தார். மகிஷி மீண்டும் சாப விமோசனம் பெற்று ஐயனை அடையும் ஆவலைத் தெரிவித்தாள். ஆனால் தான் பிரம்மச்சர்ய நிஷ்டையுள்ளவனானதால் அது சாத்தியமாகாது என்றும், தான் இருக்கும் இடத்தின் இடப்பக்கத்தில் மாளிகைப்புரத்தம்மா என்ற பெயருடன் அவர் விளங்கிவர ஐயன் அருள் செய்தார். மகிஷியின் கொடுமை நீங்கியதால் சந்தோஷமடைந்த தேவர்கள் மணிகண்டனை பலவிதமாக துதித்து பூஜித்தனர். மணிகண்டன் கட்டளைப்படி, அகத்திய முனிவரின் ஆலோசனையுடன் மன்னர் ஊண், உறக்கமின்றி தானே மேற்பார்வை செய்து சபரிமலையில் பதினெட்டு படியோடு கூடிய அழகிய கோயிலை கட்டினார். 

 

 

 

ஆண்டுதோறும் லட்சோப லட்சம் மக்கள் ஜாதி, மத பேதமின்றி கார்த்திகை மாதம் துவங்கியதும் ஐயப்ப பக்தர்கள் அனைவரும் மாலை அணிந்து 48 நாட்கள் கடும் விரதம் அனுசரித்து சபரிமலை வந்து புனித பதினெட்டுப்படி ஏறி ஐயப்பன் அருள் பெற்று வருகின்றனர். ஆண்டுதோறும் மகர சங்கராந்தி தினத்தன்று ஐயப்பன் பக்தர்களுக்கு ஜோதி வடிவில் காட்சியளித்து அருள்பாலிக்கிறார்.

 

பைரவ சஷ்டி கவசம்:

 

 

 

 

   இத்தகைய சிறப்பு மிக்க கார்த்திகை மாதத்தில், இது எல்லாவற்றையும் விட நம் பைரவருடைய சஷ்டி கவசம் பாடுவது மேலும் சிறப்பாகும் . என்ன இது கார்த்திகை மாதத்தில் கந்த சஷ்டி கவச பாடலை பாடுவது தான் வழக்கம், வழக்கத்துக்கு மாறாக புதிதாக பைரவ  சஷ்டி கவச பாடலை பாடுவது சிறப்பு மிக்க தா?  என்ன கேள்வி உங்களுக்கு எழுகிறது அல்லவா!.

 

 

 

 

 

 

ஆம் அதை விட சிறப்புடையது தான்  இந்த பைரவ சஷ்டி கவசம். பைரவ சஷ்டி கவச பாடலை எப்போது பாட வேண்டும், அதனால் கிடைக்கும் நன்மைகள்  பற்றி நமது குரு திரு சகஸ்கரவடுகர் அய்யா கூறிய வழிபாட்டு  முறையை இக்கட்டுரையில் பார்ப்போம்.

 

 

பைரவ சஷ்டி கவச பாடல் :

 

 

 

 

வணங்குவோர்க்கு வாழ்வு தரும்

வாழ்த்துவோர்க்கு வசதி தரும்

போற்றுவோர்க்கு புகழ் தரும்

தூற்றுவோர்க்கும் இன்பம் தரும்

 

நினைத்தாலே நிம்மதி தரும்

நீடு வாழ் பைரவ சஷ்டி கவசமே!

பக்தர் பரவசமுற பலன் தரும்

பைரவர் திருவடியே கதி

 

சஷ்டியின் சிறப்பில் சண்டபைரவர்

திருஷ்டியால் காக்கும் காலபைரவர்

அகிலம் போற்றும் அஷ்ட பைரவர்

அன்பால் காக்கும் ஆனந்த பைரவர்

 

சொர்ணம் தருவார் சொர்ண பைரவர்

சுகமே தருவார் சுப்பிரமணிய பைரவர்

சங்கடம் தீர்ப்பார் சட்டநாத பைரவர்

சகலமும் தருவார் சர்வதேவ பைரவர்

 

வருக வருக வடுகபைரவா வருக

வளம்தர வருக வஜ்ரபைரவா வருக

வருக வருக உக்கிரபைரவா வருக

உவகைதர வருக உலகபைரவா வருக

 

பைரவி போற்றும் பைரவா வருக

ஆனந்த நடனா ஆனந்த பைரவா வருக

ஆணவம் அழிக்கும் ஆக்ரோஷ பைரவா வருக

ஆபத்தில் காக்கும் ஆபதோத்தாரண பைரவா வருக

 

காலத்தின் நாயகா கால பைரவா வருக

கலக்கம் போக்கும் கதாயுத பைரவா வருக

நலம் தரும் நரசிங்க பைரவா வருக

நாளும்காக்கும் நாக பைரவா வருக

 

கோபம் போக்கும் கோவிந்த பைரவா வருக

ஞாலம் போற்றும் ஞானபைரவா வருக

தாகம் தீர்க்கும் தராபாலன பைரவா வருக

மோகம் போக்கும் முண்டனப்பிரபு பைரவா வருக

 

அவலம் போக்கும் அஸிதாங்கபைரவா வருக

குவலயம் காக்கும் குரோதன பைரவா வருக

உலகம் புரக்கும் உன்மத்த பைரவா வருக

திருவருள் புரியும் திகம்பர பைரவா வருக

 

சண்டைகள் தடுக்கும் சண்டபைரவா வருக

ருசியான  உணவுதரும் ருருபைரவா வருக

சந்தோஷம் தரும் சம்கார  பைரவா வருக

பித்தம் போக்கும் பீஷணபைரவா வருக

 

வருகவருக வரமருளும் வரதபைரவா வருக

தருகதருக தாராளமாய் தரும் தயாள பைரவா வருக

பருகபருக பழரசம் தரும் பிதாமக பைரவா வருக

பெருகபெருக செல்வம் தரும் பிசித பைரவா வருக

 

நடனம் புரியும் நர்த்தன பைரவா வருக

சதிராடும் சர்ப்ப பைரவா வருக

ஆட்டமாடும் ஆனந்த பைரவா வருக

பாட்டுபாடும் பர்வத வாகன பைரவா வருக

 

சுடரொளி வீசும் ஜ்வாலா மகுடமும்

முப்புரமெரி செய் முக்கண்ணும்

முகவழகு கூட்டும் நாசியும்

சீற்றம் காட்டும் சிங்க பல்லும்

 

இடது செவியில் பொன்னாபரணமும்

இன்பமூட்டும் இள நகையும்

அழகிய தோளும் அற்புத அழகும்

மார்பில் பஞ்சவடி தரும் எழிலும்

 

எழில் மிகு இடுப்பில் நாகாபரணமும்

இளமை காட்டும் வாலிபமும்

மணி ஓசை தரும் கிண்கிணியும்

கையிலே கபாலமும் சூலமும்

 

தோற்றமிகு கைகளிலே பலவகை ஆயுதமும்

ஏற்றம் தரும் தோற்றமாய்

பத்தினிப் பெண்டிரும் பார்த்து மகிழும் வண்ணம்

பரவசம் தர வருகவே வருகவே

 

மெய் உணவு கேட்ட மெய்யடியாரே

உய்ய வழிகாட்டும் உத்தமரே

பொய் புனைவோர் செயலறுக்கும் சீலரே

சேய் மகிழ விரைந்து வருவீரே

 

ஆணவ பிரமன் ஆர்ப்பரிக்க

அன்னை பார்வதி மனம் நொந்திடவே

ஆற்றல்மிகு மகா பைரவரும் வெளிகிளம்பி

அச்சம் தரும் வடிவுடனே பிரமசிரம் துண்டித்தார்

 

தலையொன்றை துண்டான பிரமனும் சாபமிட்டான்

தாயுமானவன் சிரித்தபடி ஏற்றான்

கையிலொட்டிய கபாலத்துடன் பிச்சை ஏற்றடவே

பூமி நோக்கி வந்திட்டான் பூமிபால பைரவனே

 

கற்றவர் போற்றும் காசியாம்

பாவம் போக்கும் பத்ரிநாத்தாம்

எங்கும் திரிந்தான் பரமன்

காசியிலே கபாலம் கையை விட்டுபோனதே

 

மூலப்பொருள் யாரென ஓர் தேடல் நடந்திட்ட வேளையிலே

ஜீவப் பொருளைத் தேடிய பிரமனும் பொய்யுரைத்தானே

பொய்யுரைத்த வேளையிலே பொங்கியெழுந்த பைரவனும்

கிள்ளியெடுத்திட்டான் அத்தலைதனை

 

வீடு தேடியொரு வேளையிலே

பிரம இல்லம் புகுந்து நின்ற பரமனையே

ஐந்தில் ஒருதலையே தூற்றியதாம்

தூற்றிய துஷ்டதலையினை கிள்ளிட்டான் ஈசனுமே

 

எத்தனை சொல்லினும் எப்படி சொல்லினும்

அகங்காரம் கொண்டோர் ஆணவமுள்ளோர்

அழிந்திடத் தான் வேண்டுமென்றே

பிரம சிரம் துண்டித்தான் எம்பிரானே

 

பத்ரிநாத்திலே பிரம்மகபாலம் தெறித்துவிழுந்ததாம்

காசியிலே கபாலம் கையைவிட்டகன்றதாம்

கண்டியூரிலே கபாலம் நீருக்குள் மறைந்ததாம்

மலையனூரில் பரமேஸ்வரின் காலில் மிதிபட்டதாம்

 

எல்லோர் ஆணவமும் பிச்சையேற்றிட்டார் பைரவர்

முனிவரும் தேவரும் அனைவருமிதில் அடங்குவர்

அன்னமளப்பவனுக்கே அன்னமிட்டாள் அன்னபூரணி

ஆண்டியாய் அகிலமெலாம் சுற்றிவந்தார் பரமனே

 

இரத்தபிட்சை பெற்றிட வைகுண்டமேகினார்

இடையே வந்த விஸ்வக்சேனர் சூலத்தில் சிக்கிட்டார்

விஷ்ணுவோ விரைந்து தந்தார் ரத்தம்

கபாலமே நிறையவில்லை மயங்கிட்டார் மகாவிஷ்ணு

 

கண்ணான கணவன் மயங்கிவிழவே

கதறி அழுதிட்டாள் மகாலட்சுமி

கணவனுயிரை தருமாறு சாவித்திரியானாள்

மணவாளன் உயிர் தந்தார் தங்கை மகிழ

 

மாண்டவர் மீண்டால் மகிழ்வாரன்றோ

மாயவனும் மகிழ்ந்திட்டார் வாக்குறுதி தந்திட்டார்

பத்து அவதாரமெடுத்து பகைவரையழித்தே

இரத்த மளித்து கபாலம் நிரப்பிடுவேன் என்றார்.

 

அந்தகாசுரனென்னும் புதல்வனும் அசுரனானான்

அகிலத்தையே ஆட்டி படைத்தான்

அன்னையுருவு கண்டு ஆசைப்பட்டான்

அவனை அழித்து அல்லல் அகற்றினார்

 

மணிமல்லர்கள் செய்திட்ட கொடுமை அதிகம்

இனியொரு விதி செய்தே மக்களை காக்க

கனிதரும் காயகல்பன் மார்த்தாண்ட பைரவனாகியே

மதிகெட்டவர்களை அழித்திட்டார்.

 

முண்டகன் என்றொரு கொடியவன்

கண்டபடி தந்தான் துன்பங்களை

அண்டம் நடுங்க ஆட்டிப்படைத்தான்

பிண்டமாய் வீழ்த்தினார் பைரவரே

 

எண்ணங்களிலே மாற்றம் தரும்

இதயத்திலே எழுச்சி தரும்

அடியவருக்கு அருள்புரியும்

பைரவ புராணத்தை பாடிடுவோம்

 

காலத்தின் நாயகன் கால பைரவனென்றே

ஜோதிடமும் ஆன்மீகமும் கூறிடுமே

விதியும் அவனே வெற்றியும் அவனே

வேதமும் அவனே வேதநாயகனும் அவனே

 

அட்டவீரட்ட தலங்கள் அற்புதத்தலங்கள்

ஆர்ப்பாட்டம் செய்தோரை அழித்த இடங்கள்

அம்பலவாணன் பைரவரூபமான இடங்கள்

அகிலத்தோரை காத்திட தலங்கள்

 

தெய்வமொன்றுக்கு ஒரு மதம் என்றார்

ஐந்துமுக பைரவருக்கோ ஐந்து மதம் கண்டார்

எத்தனை பிரிவோ அத்துணைக்கும் இவரோ தெய்வம்

அத்துணை மகத்துவமுடையோர் அருள் பெறுவோமே

 

எங்கும் பைரவர் எதிலும் பைரவர்

என்றோதி மகிழும் நெஞ்சோர் வாழ்க

ஐந்து தலையரசே ஆகாசபைரவரே

அல்லல் நீங்கிட வருவீரே

 

தலைதனை தராபாலன பைரவர் காக்க

கேசந்தனை கேசர பைரவர் காக்க

நெற்றிதனை நிர்பய பைரவர் காக்க

கண்ணிரெண்டும் கதாதர பைரவர் காக்க

 

செவிதனை ஸ்வஸ்கந்த பைரவர் காக்க

நாசிதனை நர்த்தன பைரவர் காக்க

வாய்தனை வஜ்ர அத்த பைரவர் காக்க

நாக்கினை நானாரூப பைரவர் காக்க

 

கழுத்தினை கராள பைரவர் காக்க

தோள்தனை திரிநேத்ர பைரவர் காக்க

கைகளிரெண்டும் கபாலபூடண பைரவர் காக்க

மார்பினை மந்திரநாயக பைரவர் காக்க

 

விலாவினை விருபாச பைரவர் காக்க

வயிறுதனை விஷ்ணு பைரவர் காக்க

இடுப்பினை இரத்தபிட்சா பைரவர் காக்க

மறைவுப் பகுதிதனை மங்கள பைரவர் காக்க

 

தொடைகளிரெண்டும் திரிபுராந்தக பைரவர் காக்க

முழுங்கால்களை முத்தலைவேல் பைரவர் காக்க

பாதமிரண்டும் பரம பைரவர் காக்க

விரல்களைத்தும் விஜய பைரவர் காக்க

 

இன்னல்தரும் இதயநோய் போக்குவாய் போற்றி

சங்கடம் தரும் சர்க்கரைநோய் போக்குவாய் போற்றி

சீரழிக்கும் சிறுநீரகநோய் போக்குவாய் போற்றி

உயிர்க்கொல்லி நோய் போக்குவாய் போற்றி

 

உன்மத்தம் போக்குவாய் போற்றி

குருட்டை நீக்குவாய் போற்றி

கர்ப்பதோஷம் போக்குவாய் போற்றி

உஷ்ணரோகம் போக்குவாய் போற்றி

 

ஒவ்வாமை அகற்றுவாய் போற்றி

இளைப்பு நோய் நீக்குவாய் போற்றி

சளித்தொல்லை போக்குவாய் போற்றி

சருமத்தொல்லை நீக்குவாய் போற்றி

 

விஷபயம் போக்குவாய் போற்றி

பொய்சூது பொல்லாங்கு நீக்குவாய் போற்றி

விலங்குகள் தொல்லை போக்குவாய் போற்றி

பகைமையை அழிப்பாய் போற்றி

 

உடன்பிறந்தோர் உபத்திரம் தீர்ப்பாய் போற்றி

அன்னையின் அகம் மகிழ்விப்பாய் போற்றி

தந்தைக்கு தளரா நெஞ்சம் தருவாய் போற்றி

முன்னோர்க்கும் நலம்தருவாய் போற்றி

 

நல்லதொரு துணைதருவாய் போற்றி

துணையின் துன்பம் களைவாய் போற்றி

சந்தானபாக்கியம் தருவாய் போற்றி

புத்திரதோஷம் போக்குவாய் போற்றி

 

கடன் தொல்லை நீக்குவாய் போற்றி

களிப்புடன் வாழ்விப்பாய் போற்றி

என்றும் புகழ் தருவாய் போற்றி

ஏற்றம் பெற செல்வம் தருவாய் போற்றி

 

பொல்லாதவர் கொடும் பார்வை துன்பம் நீக்குவாய் போற்றி

பில்லி சூன்யக் கொடுமை போக்குவாய் போற்றி

கெட்டவர் சதித்திட்டம் அழிப்பாய் போற்றி

பேய்,பிசாசு கொடுமை தீர்ப்பாய் போற்றி

 

சேட்டைகள் போக்கும் சேத்திர பாலனே வருக

பாசமிகு பைரவமூர்த்தியே வருக

காலனைவிரட்டும் கால பைரவா வருக

ஸமயோசித புத்தி தரும் ஸமயபைரவா வருக

 

கயவர்களுக்கு காலனாகும் காலாக்கினிபைரவா வருக

பாவிகளையழிக்கும் பாதாள பைரவா வருக

சுகமான வாழ்வுதரும் சுகாசன பைரவா வருக

சந்ததிதரும் சந்தான பைரவா வருக

ஆபத்தை நீக்கும் ஆதிபைரவா வருக

 

சிவபக்தியூட்டும் சிவஞான பைரவா வருக

வெற்றிதனை விரைந்து தரும் வீர பைரவா வருக

நிராயுதபாணிக்கும் நிம்மதிதரும் சூலாயுதபாணி பைரவா வருக

சுற்றம் காக்கும் சுவேட்சர பைரவா வருக

 

தடைகளிலிருந்து விடுவிக்கும் சுதந்திர பைரவா வருக

விசாலமனம் தரும் விசாலாக்ஷ பைரவா வருக

ஸம்ஸார வாழ்வுதரும் சம்ஸார பைரவா வருக

குறைவிலா செல்வம் தரும் குபேர பைரவா வருக

 

கல்வி உயர்வு தரும் கபால பைரவா வருக

மேன்மை தரும் மேகநாத பைரவா வருக

சோதனை நீக்கும் சோமசுந்தர பைரவா வருக

கற்பனை வளம் தரும் மனோவேக பைரவா வருக

 

அவமரியாதை போக்கும் அப்ரரூப பைரவா வருக

சங்கடம் நீக்கும் சசிவாகன பைரவா வருக

பூதபைசாசத்தினை விரட்டும் சர்பூத பைரவா வருக

தண்டனையிலிருந்து தப்புவிக்கும் தண்டகர்ண பைரவா வருக

 

காதலில் வெற்றிதரும் காமராஜ பைரவா வருக

லாபம் தரும் லோகபால பைரவா வருக

பூமிசெல்வம் தரும் பூமிபால பைரவா வருக

ஆற்றல் தரும் ஆகர்ஷண பைரவா வருக

 

கண்டத்திலிருந்து காத்திடும் பிரகண்டபைரவா வருக

அந்தகரையும் காக்கும் அந்தக பைரவா வருக

தட்சணை பெறுவோர்க்குமருளும் தட்சிணபித்தித பைரவா வருக

வித்தையிலே வெற்றிதரும் வித்ய ராஜ பைரவா வருக

 

அதிர்ஷ்டம் தரும் அதிஷ்ட பைரவா வருக

பிரஜைகளின் துன்பம் தீர்க்கும் பிரஜா பாலன பைரவா வருக

குலம் காக்கும் குல பைரவா வருக

சர்வமும் தரும் சர்வக்ஞ பைரவா வருக

 

ஈனனையும் காக்கும் ஈசான பைரவா வருக

சிம்மமாய் வாழ்விக்கும் சிவராஜ பைரவா வருக

சீறிய சிந்தனைதரும் ஸீதாபாத்ர பைரவா வருக

கர்மவினை போக்கும் காலநிர்ணய பைரவா வருக

 

குற்றம் களையும் குலபால பைரவா வருக

சடுதியில் காத்திடும் வடுகநாத பைரவா வருக

கோரவடிவு மாற்றும் கோரநாத பைரவா வருக

புத்திதரும் புத்திமுக்தி பலப்ரத பைரவா வருக

 

லட்சுமி கடாட்சம் தரும் லலித ராஜபைரவா வருக

நிறைவான வாழ்வுதரும் நீலகண்ட பைரவா வருக

சிக்கல் தீர்க்கும் சீரிட பைரவா வருக

கஷ்டத்தில் காத்திடும் காலராஜ பைரவா வருக

 

பிதுர்களுக்கு சொர்க்கம் தரும் பிங்களேட்சண பைரவா வருக

மண்டலம் போற்றும் ருண்டமால பைரவா வருக

விருப்பமானவற்றை தரும் விஸ்வரூப பைரவா வருக

சலியாத வாழ்வுதரும் பிரளய பைரவா வருக

 

கத்தும் கடலும் வாழ்த்தும் ருத்ரபைரவா வருக

பட்டினிபோக்கும் பயங்கர பைரவா வருக

எதிர்ப்பழிக்கும் மகாரவுத்திர பைரவா வருக

சோபித வாழ்வுதரும் சோமராஜ பைரவா வருக

 

பீடுநடைபோட வைக்கும் பிரேசத பைரவா வருக

பூர்வீக சிறப்புதரும் பூதவேதாள பைரவா வருக

ரத்தபாசம் தரும் ரத்தாங்க பைரவா வருக

பசிக்குணவு தரும் பராக்கிரம பைரவா வருக

 

வினைகள் தீர்க்கும் விக்னராஜ பைரவா வருக

நிர்மலமான நெஞ்சம்தரும் நிர்வாணபைரவா வருக

சக்திக்கும்  பாதியுடல் தந்த சச்சிதானந்த பைரவா வருக

அட்டமாசித்தி தரும் ஓங்கார பைரவா வருக

 

பைரவப்ரியர் போற்றும் சிவபைரவா வருக

பண்ணாரிதாசனும் போற்றும் பாலபைரவா வருக

ராஜவேல் மைந்தன் வணங்கும் ராஜபைரவா வருக

முந்தைய சமணரும் வணங்கிய திகம்பர பைரவா வருக

 

பார்போற்றும் பைரவ சஷ்டி கவசம்

பக்தரைக் காக்கும் நல்லதொரு கவசம்

நவபைரவர் அருளும் நற்கவசம்

 

பைரவ சஷ்டி கவசம் இதனை

செப்பிடுவோர் ஜெகமாள்வர்

ஓதுவோர் ஓங்குபுகழ் பெறுவர்

கூறுவோர் கூற்றனை வெல்வர்

 

வாசிப்போர் வாழ்வுதனை பெறுவர்

பாடுவோர் பார்போற்ற பவனி வருவர்

சொல்வோர் சொத்துக்களை பெறுவர்

கேட்போர் கேடான நோய் நீங்கிடுவர்

 

சரணம் சரணம் பைரவா சரணம்

சரணம் சரணம் ஸ்ம்ஹார சரணம்

சரணம் சரணம் திருவடி சரணம்

 

-நன்றி திரு.பண்ணாரிதாசன்

 

வழிபாட்டு முறையும், நன்மைகளும்:

 

வரும் வளர்பிறை அஷ்டமியில் தொடங்கி அடுத்து வரும் வளர்பிறை அஷ்டமி வரை பாட வேண்டும்.அதிகாலை சூரிய உதிக்கும் முன்பு அல்லது மாலை  சூரிய மறைந்த பிறகு, கிழக்கு திசையில் அமர்ந்து பைரவ கவச பாடலை பாட வேண்டும். அப்படி பாடலை பாடும் முன்பு உங்களுக்கு இருக்கும் கஷ்டங்கள் , பிரச்சினை மற்றும் வேண்டுதல் என்பதை மனதில் நினைத்து கொண்டு பைரவ கவச பாடலை பதினாறு முறை பாட வேண்டும். மேலும் இவ்வாறு பிரத்தனை செய்யும் போது மஞ்சள் நிற அல்லது பிங்க் நிற துண்டினை பயன்படுத்துவது இன்னும் நல்லது.

 

 

 

 

இவ்வாறு பைரவ கவச பாடலை பாட பாட நாம் நம் பண நெருக்கடி, கடுமையான கடன்கள், பணம் சார்ந்த பிரச்னைகள்,

கடுமையானசோகங்கள், கர்மவினைகள், துயரங்கள், சிக்கல்கள், அவமானங்களுடன் வாழ்ந்து வருபவர்கள் அதிலிருந்து முழுமையாக விடுபடலாம்.

 

பில்லி,ஏவல்,சூனியம்,மாந்திரீகத் தாக்குதல்,பேய் பிசாசுத் தொல்லை இருப்பவர்கள் அதிலிருந்து விடுபடலாம்.மேலும் நம் வாழ்வில் வந்த துன்பங்கள் நீங்கி, நன்மைகள் கிடைக்கும்.

 

அதுமட்டுல்லாமல் எதிர்காலத்தில் நமக்குவரவிருக்கும்  தீமைகளிலிருந்து தடுத்து நன்மைகளை மட்டும் கொடுக்கும் ஒரு கவசமாக நம் அனைவரையும் காக்கும்.

 

இத்தகைய சிறப்பு மிக்க  பைரவ கவச பாடலைப் பற்றி சூட்சமமான ரகசியங்களைத் தெரிவித்த நமது குரு திரு சகஸ்கரவடுகர் அய்யா அவர்களுக்கு  ஆன்மீகக்கடல் மற்றும் ஆன்மிக ஆரசு சார்பாக நன்றியைத் தெரிவித்துக்கொள்கிறோம்.

 

 

 

ஓம்சிவசிவஓம்!

 

ஓம்சிவசிவஓம்!!

 

ஓம்சிவசிவஓம்!!!

 

 

 

 

 

 

 

சிவமயம் 

 

ஓம் அண்ணாமலையாரே போற்றி  !

ஓம் உண்ணாமலை தாயே போற்றி !!

 

 


 

 

திக்கற்றவர்க்கு தெய்வமே துணை ! 

குரு காட்டிய தெய்வம் துணை   !!

 

ஓம் சிவசக்தி ஓம் ...

 

ஆன்மீக அன்பர்களுக்கு ஆன்மீக கடலின் வணக்கங்கள் .

 

  சூரிய கிரகணம் ஓர் பார்வை 

 

சூரியனுக்கும் பூமிக்கும் இடையே சந்திரன் செல்லும் போது, பூமியிலிருந்து நாம் பார்க்கும் போது சூரியனும் நிலவும் ஒரே நேர் கோட்டில் வரும் போது சூரிய கிரகணம் (Solar Eclipse) ஏற்படும். இதனால் சூரியன் முழுவதுமோ அல்லது ஒரு பகுதியோ மறைக்கப்படும்.இது ஒரு அமாவாசை நாளன்று தான் ஏற்படும்

 

இந்த மாதம் 9.3.2016 மற்றும் 23.3.2016 ( வாய்ப்புகள் அதிகம் ) மேலும் 8 வது ( ஆகஸ்டு ) 9 வது ( செப்டம்பர் ) மாதங்களில் வாய்ப்புக்கள் ஏராளம். 

 

அன்பர்களே !

 

ஓர் அறிவு உயிர் தொட்டு ஆறறிவு மானுடர் வரை நாம் அனைவருமே சூரிய பகவானை வைத்தே வாழின்றோம். யானைக்கும் அடி சறுக்கும் என்ற பழமொழிக்கு ஏற்ப உலகங்கள் அனைத்திற்கும் ஆதாரமான சூரிய பகவான்சந்திர பகவானால் தற்காலிகமாக மறைக்கபடுகிறார் அதாவது பூமியை கடக்கும் தருணத்தில் வருடத்திற்கு ஒரு முறையோ அல்லது பலமுறையோ நடை பெறுகிறது. 

 

 


 

 

நாம் நன்கு அறிந்ததே சூரிய பகவான் தந்தைக்கு நிகரானவர் ; தம் சொந்த பிள்ளைகள் தவறு செய்தாலும் தட்டிக்கேட்டு தண்டிப்பவர் தந்தையே - அத்தகைய இயல்புடையவர் சூரிய பகவான் . இவரின் இத்தகைய பண்பினால் எதிர்மறை எண்ணங்கள் முதல் தீய சக்தியை பிரபஞ்சத்தினை அடையாதவாறு என்றும் காக்கும் அறிவுத் தந்தை ஆவர். எப்பொழுது இவரின் வேலை நேரத்தில் இவருக்கு இடையுறு வருகிறதோ அப்பொழுது தம் திறனை தற்காலிகமாக இழக்கிறார். 

 

 


 

 

சந்திர பகவானோ தாய்க்கு நிகராக போற்றபடுபவர். ஆம் அன்னைக்கு அனைத்து பிள்ளைகளும் ஒன்று தான். தீய குணமுடைய எதிர்மறை எண்ணங்களுடன் கூடிய துர் ஆவிகளும் குழந்தைகளே . இந்த தீய குழந்தைகளின் விளையாட்டு அப்பனிடம் செல்லாது ஆனாலும் தாய் கண்டிப்பதில்லை . இப்பொழுது அன்பர்களே தங்களுக்கு அதிக விஷயங்கள் குறித்த ஐயம் தீரும் . இது நம் அய்யா சகஸ்ரவடுகரின் கூற்று .

 

 

இந்த சூரிய கிரகணத்தில் என்ன நிகழும் ? 

 

என்ன வேண்டுமானாலும் நிகழலாம். ஆனால் நிகழ்வு எதிர்பாரததாகவும் ஏமாற்றத்தினை குறிப்பதாக இருக்கும் . ஆம் அன்பர்களே என்ன வேண்டுமானாலும் நிகழலாம். முக்கியமாக நாம் சமைத்த உணவு விஷமாகும் - குடிநீர் விஷமாகும் - நோய் தொற்றுகள் ( நோய் மூலம் கண்டறியா - புது புது கிருமிகள் ) எண்ணங்களில் மாற்றம் ( விரும்பதகாத ) உடல் பலவீனம் - குழப்பம் - பயம் - உயிர் வளி குறைந்து மாசு அதிகரிக்கும் வாய்ப்பு ( நுரையீரல் பாதிப்பு ) இப்படி கூறிக்கொண்டே செல்லலாம் . துர் சக்திகளின் ஆதிக்கம் 

 

ஆலயம் - இறைவன் - வழிபாடு பயன் : 

 


 

இந்த தருணத்தில் உலகில் உள்ள அனைத்து கருவறை கடவுளும் தற்காலிகமாக செயலற்று இருப்பார்கள். கோவில் நடைகள் மூடப்பட்டு இருக்கும் . 

 

நாம் என்ன செய்தால் இவ்வகை பாதிப்பில் இருந்து தப்பலாம் ?? 

 

நம் வீட்டில் பயன்படுத்தும் நீர் ஆதாரங்களில் அருகம் புல் இட்டு வரவும் . அருகம் புல் இட்ட நீர் விஷத்தினை முறிக்கும் .

 

 


 

 

வேலைக்கு செல்லும் அன்பர்கள் என்ன செய்ய வேண்டும் ?? 

 

தினமும் உள்ளங்கை நீளமுள்ள விஷ்வாமித்திர தர்ப்பை புல்லைநுனியினை வெட்டி , அதே நீளமுள்ள நுனி வெட்டப்பட்ட அருகம் புல் இந்த இரண்டையும் நீரில் நனைத்து பின்பு ஈரமான அந்த புற்கள் இரண்டையும் ஒரு துணியில் ( மெல்லிய ) எடுத்து தமது பாக்கெட்டில் அல்லது கை பையில் வைத்து கொள்ள வேண்டும் . இரவு வீடு திரும்பிய பின்பு அந்த புற்களை எடுத்து ஒரு தனி துணி பையில் வைத்து விடவும்.

 

 


 

 

பின் வரும் அடுத்தடுத்த நாட்களிலும் இதை தொடர்ந்து செய்ய உத்தமம் . 

 

இப்படி சேகரித்த புற்களை மாத இறுதியில் மானுடர் காலில் மிதிபடாதவாறு ஆறுகள் / கடலில் செலுத்த வேண்டும் . குளங்களில் / கிணறுகளில் போடகூடாது .( பிறருக்கு தீங்கு தரும் )  

 

 


 

 

இதை இந்த மாதம் முழுவதுமோ அல்லது வருடம் முழுவதுமோசெய்வதால் மிகுந்த நன்மை உண்டாகும் .

 

எல்லாரும் இன்புற்று இருக்க நினைப்பதுவே அல்லாமல் வேறு ஒன்றும் அறியேன் பராபரமே தாயுமானவர் அய்யா 

 

இதை கூறியதும் அய்யா கூறிய ஒரு வாக்கியத்தினை பதிவு செய்ய விரும்புகிறோம் - " ஆராய்ச்சி அரிது - முடிவு கண்டுரைப்பது மிக அரிது - அறிந்து கூறினும் கடைபிடித்தால் அதைவிட அரிது " 

           ஆம் அன்பர்களே எளிய பரிகாரம் என்று தோற்றமளித்தாலும் நடைமுறைபடுத்துவது அரிது - நடைமுறைபடுத்தினால் வெற்றிநிச்சயமே. 

 

 

அன்பர்கள் பலர் நமது கட்டுரைகளில் வரும் பரிகாரம் மிக எளிமையாக இருக்கிறது ? எப்படி சாத்தியம் என்று வெறுமனே படித்துவிட்டு பயிற்சி செய்ய தவறுகின்றனர். அன்பர்களே " கடுகு சிறுத்தாலும் காரம் குறையாது " மேலும் 'யானை' வடிவம் கொண்ட  'கர்ம வினைகளை '  'சுறுசுறுப்பான எறும்பு' தனது நம்பிக்கையாலும் விடாமுயற்சியினாலும் வீழ்த்தும்  (  இந்த தலத்தில் அய்யா அவர்களால் அருளப்படும் கட்டுரை )

 

 


 

நம்புங்கள் நலமுடன் வாழ்வோம் என்று ! 

 

                 ஓம் சிவசிவ ஓம் !                     ஓம் சிவசிவ ஓம் !                    ஓம் சிவசிவ ஓம் !!!

 

ஆன்மீக ஆராய்ச்சியினை நம்மோடு பகிர்ந்தமைக்கு அய்யா சகஸ்ரவடுகர் அவர்களுக்கு அன்பர்கள் மற்றும் ஆன்மீக கடல்சார்பாக நன்றிகளை தெரிவித்துக்கொள்கிறோம் 

 

 

அனைவருக்கும் வணக்கம் ,

உங்கள் அனைவருக்கும் என் இனிய விநாயக சதுர்த்தி வாழ்த்துக்கள் .

விநாயகர் என்பவர் நமது பாரம்பரியமிக்க தமிழ் கடவுள். இதற்கு சான்றாகவே நமது மூதாதையர் நமது கோவில், வியாபாரத்தளம், கல்விக்கூடம் போன்ற இடங்களில் விநாயகருக்கு இடம் அளித்து வந்துள்ளார்கள். இது நமது இரத்தத்தில் விதைக்கப்பட்ட நன்மை குண நலன்களில் ஒன்று . அதனால் நம் உயர்ந்த நாகரீகத்தில் இன்றளவும் இது ஆங்காங்கு பயன்பாட்டில் உள்ளது.

தமிழ்நாட்டின் ஆன்மீக வழிகாட்டி மிஸ்டிக் செல்வம் ஐயா அவர்கள் கி.பி.1937 ஆம் ஆண்டு ராஜபாளையத்தில் சைவ வேளாளர் குடும்பத்தில் பிறந்தவர் திரு.பொ.செல்லப்பா அவர்கள்.பள்ளிப்டிபிற்குப்பின் 19 ஆம் வயதில் அரசுப்பணியில் சேர்ந்தார். பின் திருமணம் செய்துகொண்டார் இவருக்கு ஒரு மகனும் உண்டு.

இன்று புரட்டாசி மாதம் முதல் நாள். இன்று ரிஷி பஞ்சமி வருவது மிகவும் சிறப்பு வாய்ந்தது . ஆம் ரிஷிகள் ஏழ்வரின் பொருட்டு இன்று இந்த பஞ்சமி கொண்டாடபடுகிறது.

அவர்களின் ஆசி பெரும் பொருட்டு, தாங்கள் தங்களின் அருகில் இருக்கும் ஏதேனும் ஜீவ சமாது சென்று கீழ்கண்ட பூஜை பொருட்கள் கொண்டு வழிபட - 30 நாட்களுக்குள் தங்களின் நேர்மையான கோரிக்கைகள் நிறைவேறும் என்பதில் ஐயம் இல்லை

ஆன்மீகக் கடல் அன்பர்கள் அனைவருக்கும் வணக்கம் .

இல்லற வாழ்வின் சான்றாக விளங்குவது குழந்தை பேறு. நம் குலம் இப்பூமியில் நிலை பெற்று விளங்க நம் சந்ததி அவசியம் .ஆம் இந்த கலி யுகத்தில் பல் வேறு இடர்பாடுகளில் சிக்கி தவிக்கும் மானுடர்களின் மற்றொரு வேதனை குழந்தை இன்மை. இது பெரும்பாலும் கர்ம வினையின் பொருட்டு வருவதே என்றாலும் இறை அருளும் குருவின் திருவருளும் இருந்தால் விதியை வென்றிடலாம்